Reguleringsplanen for sikringsprosjektet vart vedteken i kommunestyret den 28. mars i 2023. Frå før er det eit heilt nytt skredvarslingsanlegg frå 2022 ved Heggtveitrøti som slår ut ved rørsler i snøen. Det bur relativt få personar i området, men busetnaden er slik at ved enkelte tilfelle vil bebuarane bli sperra inn om det går skred på begge stader samtidig.
To vollar
I dette prosjektet er det regulert to vollar som skal fange opp snøen når han sklir ut frå fjellet.Vegen gjennom Byrte blir brukt i størst grad av fastbuande, men han er òg det naturlege valet for trafikk som kjem frå øvre delar av Vinje og som skal til Dalen. Etter at vegen har vorte reasfaltert og noko oppgradert har aktualiteten for slik gjennomgangstrafikk auka. Etter at reguleringsplanen er vedteken, er arbeidet med å detaljprosjektere skredsikringa i full gang. Dette arbeidet blir utført av Vestfold og Telemark fylkeskommunes eigne planleggjarar.
Byggestart 2024
Prosjekteringa vart ferdig hausten 2023 og konkurransen om kven som skal få tilslaget om å byggje vart lyst ut heilt på tampen av året. I løpet av den første tida av 2024 vil det avgjerast kven som får kontrakten. . Det fysiske arbeidet med å byggje opp vollane kan berre utførast når det er snøfritt. Om alt går etter planen skal arbeidet kunne byrje når snøen er smelta våren eller forsommaren 2024.Fordi alt arbeidet vil gå føre seg utanfor vegbanen, vil trafikken på fv. 3408 bli lite forstyrra i byggjeperioden