Kvart år deler Telemark fylkeskommune ut Telemark litteraturpris. For å få prisen må forfattaren ha tilknyting til Telemark og må ha gjeve ut bok i perioden 1. august 2025 til 1. august 2026.
Så langt er ni kandidatar nominert, men heilt fram til 1. september kan du kome med forslag til prisvinnar.
Følg denne lenka for å nominere ein forfattar du meiner fortener Telemark litteraturpris.
Nye jurymedlemmer
I år har juryen to nye medlemmer. Jurysamansetninga varer i to år, med moglegheit for forlenging.
Leiaren av juryen er alltid leiar for hovudutval for kultur, reiseliv og frivilligheit. I denne perioden er det Hilde Alice Vågslid. Ho har med seg Margit Ims, universitetslektor ved Universitetet i Sørøst-Norge, USN, Anders Futtrup, nestleiar ved Skien bibliotek, Yngve Knausgård, leiar ved Vinjesenteret og fylkesbiblioteksjef i Telemark, Maria Guribye. Dei to sistnemnde er nye jurymedlemmer i år.
Stort spenn
Det er vanlegvis mellom 10 og 15 forfattarar som blir nominerte til litteraturprisen. Så langt er det ni forfattarar som er nominerte. Nokon er debutantar, mens andre har to eller fleire titlar å vise til. Tema er alt frå krim med Dyrskun som bakteppe, til humoristisk roman om norsklektor på reise i India.
Ta ein kikk på dei nominerte så langt:
- Frederik Svindland, Kaja 2000, Cappelen Damm.
- Stian Johansen, Et ålreit hjem å flytte fra, Aschehoug.
- Torbjørn Klippenvåg Pettersen, Meditasjon for nybegynnere, Tiden.
- Tore Stavlund, 1996: en roman, Tiden.
- Jarle Sten Olsen, Rovfugl, Kagge.
- Fredrik Brattberg, Philharmonia – scenetekster, Transit.
- Vidar Sundstøl, neste morgen ved Wounded knee, Tiden.
- Peter Fjågesund, Øynene som ser, Solum Bokvennen.
- Magnus Aasdalen, Wild Thing, Cappelen Damm