Rådgiving til eigarar
Eig du eit verneverdig hus, og ynskjer råd om til dømes istandsetting, tilskot eller energitiltak? Då anbefalar vi å ta kontakt med bygningsverntenesta i Telemark for å få ei gratis synfaring. Tenesta vert drifta av Vest-Telemark museum, og er finansert av Telemark fylkeskommune. Du bestiller time gjennom lenka under her.
Vern etter plan- og bygningslova
Kulturminne og kulturmiljø med lokal eller regional verdi kan definerast som verneverdige etter plan- og bygningslova. Bygningar og område kan få vern på fleire måtar:
- Gjennom kommunen sin kulturminneplan
- I reguleringsplanar kan einskilde bygningar bli peika på som verneverdige.
- Større område kan regulerast til omsynssone.
Bygningar eldre enn 1850
Bygningar som er eldre enn 1850 blir omfatta av kulturminnelovas § 25. Dersom det skal setjast i verk tiltak som medfører riving eller vesentleg endring av slike bygningar, skal kommunen normalt innhenta uttale frå fylkeskommunen før vedtak fattast. Pr. no har vi ikkje kapasitet til å handsame desse sakane. Det er difor kommunane som må ivareta det kulturhistoriske verdiane etter plan- og bygningslova.
SEFRAK-registeret
SEFRAK er eit landsdekkjande register over eldre bygningar og andre kulturminne. Registreringa vart utført i perioden 1975-1995. SEFRAK-registeret er nyttig for kommunane og kulturminneforvaltninga.
Dei fleste bygningar frå før 1900 er SEFRAK-registrert. Det inneber ikkje at bygningen har eit formelt vern, men er ein indikasjon på at han kan vera verneverdig.